तिरुअनंतपुरम: केरळचे मुख्यमंत्री पिनरयी विजयन यांनी सोमवारी डाव्या पक्षांनी केलेल्या सोशल मिडीयावरून केलेल्या शाब्दिक हल्ल्यांबद्दल सुपरस्टार मामूटी यांची जाहीर माफी मागितली. कारण अभिनेता-निर्माता मामूटी यांनी त्यांच्यासोबत असलेल्या सीपीआय(एम) जिल्हा पदाधिकाऱ्याला वायनाड मॉडेल टाउनशिपच्या भेटीदरम्यान जास्त लक्ष देऊ नका, असे सांगितले होते. “दुर्दैवाची गोष्ट म्हणजे सीपीआय(एम) सायबर कार्यकर्त्यांनी त्यांच्यावर हल्ला केल्याचे वृत्त आहे. सीपीआय(एम) सायबर कार्यकर्त्यांना मामूटी यांना ओळखता आले नाही का? जर अशा मोहिमेचा भाग म्हणून, आमच्या या अभिनेत्याला या टप्प्यावर काही अस्वस्थता किंवा त्रास जाणवला असेल, तर मी त्यांची जाहीर माफी मागतो. अशा प्रकारे त्यांचा अपमान करणे हे असे घडायला नको होते,” असे विजयन यांनी तिरुअनंतपुरममधील एका कार्यक्रमात सांगितले.
त्यांनी पुढे म्हटले, की सीपीआय(एम) कार्यकर्त्याबद्दल अभिनेत्याची प्रतिक्रिया स्वाभाविक होती, कारण वायनाड टाउनशिपला भेट वैयक्तिक स्वरूपाची होती आणि त्यामुळे सरकार किंवा राजकीय पक्षांना माहिती देण्यात आली नव्हती. विजयन यांनी सांगितले की, वाद निर्माण करण्यासाठी आणि सीपीआय(एम) कार्यकर्त्याचा अपमान झाल्याच्या बातम्या प्रसारित करण्यासाठी दृश्यांचा वापर करण्यात आला होता. विजयन यांचे हे विधान मामूटी यांच्या सीपीआय(एम) वायनाड जिल्हा सचिव के. रफीक यांच्याशी झालेल्या संवादाच्या एका दिवसानंतर आले आहे. यानंतर, अभिनेत्यावर ऑनलाइन टीकादेखील झाली, विशेषतः संबंधित डाव्या विचारसरणीच्या लोकांकडून. त्यांनी त्यांची टिप्पणी अपमानकारक असल्याचा दावा केला. त्यानंतर लगेचच, रफीक म्हणाले, की अभिनेत्याने त्यांना फोन करून स्पष्ट केले होते की ‘ही टिप्पणी त्यांचा अपमान करण्याच्या उद्देशाने नव्हती’.
रफीक म्हणाले, की कार्यक्रमात त्यांचा हस्तक्षेप मामुटी यांना काही त्रास होऊ नये, यासाठी होता. रविवारी एका फेसबुक पोस्टमध्ये त्यांनी अशी विनंती केली, की या वादामुळे राज्य सरकारच्या कामगिरीवर परिणाम होऊ नये आणि मामूटी यांच्या भेटीच्या बातम्यांवर फक्त सकारात्मक चर्चा व्हावी. वायनाड मॉडेल टाउनशिप हा 2024 च्या वायनाड भूस्खलनग्रस्तांसाठी 410 घरे बांधण्याचा राज्य सरकारचा प्रकल्प आहे. 178 घरे असलेल्या आणि 300 कोटी रुपये खर्चाच्या या टाउनशिपच्या पहिल्या टप्प्याचे उद्घाटन 1 मार्च रोजी करण्यात आले.
Recent Comments