पंतप्रधान मोदींनी भेट म्हणून दिलेल्या काली मुकुटाची बांगलादेश मंदिरातून चोरी, नवी दिल्ली ढाकाला कारवाईचे आदेश

पंतप्रधान मोदी बांगलादेशच्या यशोरेश्वर काली मंदिरात प्रार्थना करताना

नवी दिल्ली : भारताने बांगलादेशला जेशोरेश्वरी मंदिरातील काली मूर्तीच्या मुकुटाच्या चोरीप्रकरणी तातडीने कारवाई करण्यास सांगितले आहे. हा मुकुट पंतप्रधान नरेंद्र मोदी यांनी  2021 च्या आपल्या बांगलादेश दौऱ्यात मंदिराला दिलेली भेटवस्तू होती.

ढाका येथील भारतीय उच्चायुक्तालय स्थानिक अधिकाऱ्यांच्या संपर्कात आहे, त्यांनी या प्रकरणाची चौकशी करून दोषी असलेल्यांना शोधण्याचे आवाहन केले आहे.

स्थानिक मीडिया रिपोर्ट्सनुसार गुरुवारी दुपारी 2.30 च्या सुमारास ही चोरी झाली. बांगलादेशातील श्यामनगर पोलीस ठाण्याचे निरीक्षक तैजुल इस्लाम यांनी डेली स्टारला या घटनेची पुष्टी केली. पोलीस सध्या सीसीटीव्ही फुटेज तपासत असून चोरट्याचा शोध घेत आहेत.

‘एक्स’वर दिलेल्या निवेदनात, ढाका येथील भारतीय उच्चायुक्तांनी संपूर्ण दक्षिण आशियातील हिंदू धर्मातील 51 ‘शक्तिपीठां’ पैकी एकातून मुकुट चोरीला गेल्याबद्दल चिंता व्यक्त केली.

मंदिराचे पुजारी दिलीप मुखर्जी यांनी प्रार्थनेनंतर दुपारी दोनच्या सुमारास परिसर सोडला. त्यानंतर सफाई कर्मचाऱ्यांनी मंदिरात प्रवेश केला असता त्यांना मुकुट गायब असल्याचे लक्षात आले.

पंतप्रधान नरेंद्र मोदी यांनी 26-27 मार्च 2021 रोजी बांगलादेशला भेट दिली. मार्च 2020 मध्ये कोविड-19 साथीचा रोग सुरू झाल्यानंतरचा त्यांचा पहिला दौरा हा बांगलादेशच्या तत्कालीन पंतप्रधान शेख हसीना यांच्या निमंत्रणाला मान देऊन झाला होता. दोन दिवसांच्या दौऱ्यात मोदींनी समुदाय आणि विरोधी पक्षांच्या नेत्यांची भेट घेतली आणि हसिना यांच्यासोबत द्विपक्षीय बैठक घेतली.

या भेटीने तीन कार्यक्रमांचे स्मरण झाले – शेख मुजीबुर रहमान यांची जन्मशताब्दी, दोन्ही देशांचे राजनैतिक संबंध प्रस्थापित झाल्याची 50 वर्षे आणि बांगलादेशच्या स्वातंत्र्याची 50 वर्षे, असे परराष्ट्र मंत्रालयाच्या निवेदनात म्हटले आहे.

भारतीय पंतप्रधानांनी 27 मार्च 2021 रोजी जैशोरेश्वरी मंदिराला भेट दिली आणि X वर एक व्हिडिओ शेअर केला. त्यांच्या प्रस्थानादरम्यान, मोदी म्हणाले की “प्राचीन जेशोरेश्वरी काली मंदिरात देवी कालीची प्रार्थना करण्यास उत्सुक आहे.”.

बांगलादेशातील सर्व वर्गांनी त्यावेळी मोदींच्या भेटीचे स्वागत केले नाही. त्यांच्या भेटीविरोधात किमान आठवडाभर आधी निदर्शने झाली. २६ मार्च रोजी मोदी ढाका येथे उतरले तेव्हा शुक्रवारच्या प्रार्थनेनंतर शहरातील काही भागात हिंसक संघर्ष झाला.

भारतातील मुस्लीमविरोधी धोरणे राबवत असल्याचा आरोप करणाऱ्या इस्लामवादी आणि इतर वर्गांच्या नेतृत्वाखालील निदर्शने आटोक्यात आणण्यासाठी अधिकाऱ्यांनी अश्रुधुराचा आणि रबराच्या गोळ्यांचा वापर केला. बीबीसी न्यूजनुसार, 12 आंदोलक मारले गेले – नवी दिल्ली आणि ढाका यांच्यात मजबूत संबंध असूनही बांग्लादेशमधील भारतविरोधी भावनांना अधोरेखित करणारे वातावरण तयार झाले आहे.

तथापि, ऑगस्ट 2024 मध्ये हसीना यांचे सरकार पडल्यानंतर, नवी दिल्ली आणि ढाका यांच्यातील संबंध बिघडले आहेत. हसीनांची देशातून हकालपट्टी झाल्यानंतर अल्पसंख्याक हिंदूंना लक्ष्य करण्याच्या घटना घडल्या.