सर्व्हर समस्यांविरुद्ध आंदोलन करणाऱ्या बीपीएससी उमेदवारांवर पाटणा पोलिसांकडून लाठीचार्ज

पाटणा येथील बीपीएससी कार्यालयाबाहेर शुक्रवारी पोलिसांनी लाठीचार्ज केला.

नवी दिल्ली: पाटणा पोलिसांनी बिहार लोकसेवा आयोगाच्या (BPSC) कार्यालयाबाहेर लाठीचार्ज केला. ‘बीपीएससी’  एकात्मिक 70 व्या एकत्रित (प्राथमिक) स्पर्धा परीक्षेतील गुण सामान्य करण्याच्या शक्यतेचा निषेध करण्यासाठी शुक्रवारी शेकडो इच्छुक जमले होते. परीक्षा ‘एक शिफ्ट, एक पेपर’ स्वरूपात घेण्यात यावी आणि बीपीएससीने सामान्यीकरण नाकारणारे अधिकृत विधान जारी करावे अशी इच्छुकांची मागणी आहे.

गुणांचे सामान्यीकरण ही एक अशी प्रक्रिया आहे ज्याद्वारे दोन किंवा अधिक शिफ्टमध्ये घेतलेल्या परीक्षेत मिळालेले गुण सांख्यिकीय सूत्र वापरून समान केले जातात. उमेदवाराला मिळालेल्या गुणांच्या आधारे टक्केवारी दिली जाते.

‘बीपीएससी’ एकात्मिक 70 वी एकत्रित (प्राथमिक) गट ए आणि बी पदांच्या भरतीसाठी स्पर्धा परीक्षा 13 डिसेंबर रोजी होणार आहे. 925 केंद्रांवर होणाऱ्या या परीक्षेला सुमारे पाच लाख उमेदवार बसण्याची अपेक्षा आहे. ‘बीपीएससी’ ने सुरुवातीला आपल्या अधिसूचनेत 1 हजार 957 रिक्त पदांची जाहिरात दिली. नंतर ती संख्या 2 हजार 035 करण्यात आली.

एक ‘बीपीएससी’ परीक्षार्थी मनीष सिंग यांनी पटना येथून ‘द प्रिंट’ला माहिती दिली की 90 हजारहून अधिक परीक्षार्थींनी  परीक्षेसाठी नोंदणी केली आणि फी भरली, परंतु “सर्व्हर समस्यांमुळे अर्ज पूर्ण करू शकले नाहीत”.“शिक्षकांच्या भेटी असूनही विद्यार्थ्यांशी संवाद झालेला नाही. अनेक शिफ्टमध्ये परीक्षा घेतल्या जात असल्याच्या अफवा आहेत. परीक्षा केंद्रे खूप दूर आहेत, काही 300-400 किमी दूर आहेत,” तो पुढे म्हणाला.

पाटण्यामध्ये बीपीएससी कार्यालयाबाहेर मोठा पोलीस बंदोबस्त दिसला. पोलिस उपअधीक्षक (डीएसपी) अनु कुमारी यांनी घटनास्थळी पत्रकारांना सांगितले की, “ते परीक्षार्थी सध्या ज्याप्रकारे आंदोलन करत आहेत ते बेकायदेशीर आहे”.

“या लोकांना कोणत्याही प्रकारची परवानगी नाही. ते रस्ता जाम करत आहेत, अडवत आहेत. हे सर्व बेकायदेशीर आहे. आम्ही पाच जणांची नावे विचारत आहोत. आम्ही ‘बीपीएससी’शी बोलण्यासाठी या पाच लोकांचे शिष्टमंडळ घेऊन जाऊ,” त्या म्हणाल्या.

दरम्यान, ‘खान सर’ या नावाने प्रसिद्ध असलेले पाटणा येथील शिक्षणतज्ज्ञ फैजल खान यांनी शुक्रवारी उमेदवारांशी एकता दाखवण्यासाठी निषेध स्थळाला भेट दिली. “त्यांनी इथे येऊन माझ्या निर्णयाचा आदर केला आणि आता मी सामान्यीकरणाला विरोध करण्यासाठी त्यांच्यासोबत उभा राहून त्यांच्या निर्णयाचा आदर करीन. विद्यार्थ्यांचा वेळ वाया जात असल्यास, बीपीएससीने परीक्षेची तारीख वाढवणे आवश्यक आहे. याव्यतिरिक्त, जे सर्व्हरच्या समस्येमुळे फॉर्म भरू शकले नाहीत त्यांना अतिरिक्त दिवस देण्यात यावा,” ते म्हणाले.

एकात्मिक 70 व्या एकत्रित (प्राथमिक) स्पर्धा परीक्षेतील ‘सामान्यीकरण’ वरील वाद हा या वेळी सुरू होणारी ही प्रक्रिया बीपीएससी लागू करण्याची योजना आखत असल्याचा अंदाज आहे.